Ticarət şəbəkələrindən alınan hazır yeməklərdən zəhərlənmə halları mütəmadi olaraq baş verir.
Redaktor.az xəbər verir ki, bunu həkim Olqa Anișenkova life.ru-ya müsahibəsində bildirib.
Mütəxəssis mağazalarda hazır yemək alarkən təhlükələrdən necə qorunmağın yollarını açıqlayıb.
Ekspertin sözlərinə görə, ən təhlükəsiz seçim plastik qablarda, üzəri xüsusi plyonka ilə bağlanmış məhsullardır. Bu cür polimer materiallar yeməyi xarici təsirlərdən daha yaxşı qoruyur.
Anişenkova tövsiyə edib ki, alıcılar qablaşdırmanı diqqətlə yoxlasınlar.
Şişmiş plyonka, qabın içində kondensat, deşiklər, əziklər və digər zədələr yeməyin xarab olduğuna işarə edə bilər.
Aytəkin TOFİQQIZI
