“Vətəndaş Mövqeyi” verilişinin qonağı Beynəlxalq Avrasiya Mətbuat Fondunun (BAMF) prezidenti Umud Mirzəyev və aparıcı jurnalist Gülşən Behbud olub.
QHT.az xəbər verir ki, veriliş zamanı Umud Mirzəyev Bakıda keçirilən Türk Dövlətləri Təşkilatına üzv ölkələrin QHT-lərinin Həmrəylik Forumu haqqında təəssüratlarını bölüşüb. BAMF prezidenti bildirib ki, forumun keçirilməsi Azərbaycan üçün xüsusi əhəmiyyət daşıyır və bu günün tarixi dəyəri hələ tam qiymətləndirilməmiş ola bilər:
“Bu günün tarixiliyinin fərqində deyil. Həqiqətən də sözün həqiqi mənasında tarixi bir gün yaşandı. İllərlə belə bir tədbirin baş tutmasını arzulamışıq və bunun üçün ciddi səylər göstərmişik. Bu tədbirin Gürcüstan sarayında keçirilməsi böyük fəxarət hissi yaradır. Türk Dövlətləri Təşkilatının təməli də vaxtilə məhz Azərbaycanda – Naxçıvanda qoyulub və bu gün Bakıda belə mühüm bir forumun gerçəkləşməsi qürurverici hadisədir. QHT-lərin yüksək səviyyədə təmsil olunub, iştirakçı ölkələrdən gələn nüfuzlu nümayəndələrin müzakirələrə böyük töhfə verib".
Umud Mirzəyev xüsusilə Prezident İlham Əliyevin foruma ünvanladığı müraciəti önə çəkərək bildirib ki, Cənab Prezidentin müraciəti mənim fikrimcə bir təməl sənədi idi:
"Bu, qeyri-hökumət təşkilatları üçün yol xəritəsi rolunu oynaya biləcək bir sənəd idi. Müraciətdə vətəndaş cəmiyyəti qurumlarının gələcək fəaliyyəti və beynəlxalq əməkdaşlıq istiqamətləri ilə bağlı çox incə məqamlara toxunulmuşdu. Forum Türk dünyası QHT-ləri arasında əməkdaşlığın yeni mərhələsinin başlanğıcı kimi qəbul edilə bilər".
Pərvanə Fərhadqızı
