Yazını böyüt
Yazını kiçilt
Lökbatan-Xocasən yolunu ("Meyvəli" ticarət mərkəzinin yaxınlığı) genişləndirmək üçün dəmir arakəsmələrin ləğv edilməsindən sonra vətəndaşlar problemlə qarşılaşıblar. İddia edilir ki, torpağa bərkidilən dəmir sütunların üzəri asfaltla qapadılmayıb. Bu səbəbdən avtomobillərin təkərləri zədələnir.
Hafta.az xəbər verir ki, məsələyə aydınlıq gətirən Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli bildirib ki, AAYDA-nın əməkdaşları əraziyə cəlb olunacaqlar. Onlar əraziyə baxış keçirəcəklər. Nəqliyyatın hərəkətinin təhlükəsizliyi ilə bağlı problem ortaya çıxarsa, aradan qaldırılması istiqamətində qısa müddətdə işlər həyata keçiriləcək.
