Rusiya rəhbərliyinin sülh danışıqları ilə bağlı əsas məsələlərdə güzəştə getmək niyyəti yoxdur.
KONKRET.az xəbər verir ki, bunu xarici işlər nazirinin müavini Sergey Ryabkov deyib.
O, sülh planının müxtəlif versiyalarına “danışıqlar imkanı” kimi baxılmalı olduğunu vurğulayıb. Lakin bildirib ki, bu, güzəştə getmək istəyi demək deyil.
Ryabkov qeyd edib ki, hərbi əməliyyatlar konteksti də daxil olmaqla, qarşıda duran çətinliklərin həllində heç bir güzəştdən, əsas məsələlərə yanaşmaların imtinasından söhbət gedə bilməz.
Nazir müavini həmçinin əlavə edib ki, Rusiya tərəfi Ukraynadakı münaqişənin həlli ilə bağlı fərdi təklifləri açıq şəkildə müzakirə etməyə hazır deyil.
Müşviq Tofiqoğlu
KONKRET.az
