Metbuat portalından verilən məlumata əsasən, ain.az bildirir.
Uşaqların sağlamlığının qorunması, mövsümi xəstəliklərin qarşısının alınması və peyvəndləmə prosesinin düzgün aparılması ölkə səhiyyəsinin əsas prioritetlərindəndir. Bu istiqamətdə bölgələrdə fəaliyyət göstərən tibb müəssisələri də nəzarəti və maarifləndirməni daim gücləndirir.
Şəmkir Rayon Xəstəxanasının pediatriya şöbəsindən Metbuat.az-a verilən məlumata görə, şöbə 152 nəfərlik stasionar qəbul imkanına malikdir. Şöbədə hər bir uşağa fərdi tibbi yanaşma tətbiq olunur və onların gələcək sağlam inkişafı əsas məqsəd kimi qəbul edilir.
Məlumata görə, il ərzində ən çox müraciətlər mövsümi respirator infeksiyalar və digər sistem xəstəlikləri ilə bağlı qeydə alınır. Bu səbəbdən azyaşlıların vaxtında peyvənd olunması şöbənin ən vacib istiqamətlərindən biri kimi xüsusi vurğulanır.
Həkimlər bildirirlər ki, valideynlər arasında peyvəndlərin rolu və faydası barədə davamlı maarifləndirmə aparılır:
“Valideynləri hər bir peyvəndin hansı xəstəliyin qarşısını aldığı barədə məlumatlandırırıq. Maarifləndirmə nəticəsində əksər valideynlər artıq peyvəndləmənin zəruriliyini daha yaxşı anlayır”.
Şöbədən verilən məlumata əsasən, ölkədə qızılca ilə bağlı müşahidələr diqqətlə izlənilsə də, son üç ay ərzində xəstəxanaya qızılca ilə əlaqədar ciddi müraciət daxil olmayıb və vəziyyət stabil qiymətləndirilir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
