Newscenter.az portalından verilən məlumata görə, ain.az xəbər yayır.
“2025-ci il Azərbaycan üçün əlamətdar hadisələrlə, uğurlarla zəngin il oldu. 44 günlük Vətən müharibəsindən sonra Azərbaycan yüksələn xətlə inkişaf etməkdə davam edir. Bu yüksəliş həm xarici, həm də daxili siyasətdə özünü göstərir”.Newscenter.az xəbər verir ki, bunları siyasi ekspert Çingiz Şahbazi deyib. O bildirib ki, ölkə başçısı İlham Əliyevin yürütdüyü xarici siyasətinin elementləri arasında, xüsusi olaraq regional sabitliyə və iqtisadi inkişaf dinamikasına verdiyi önəmi xüsusi olaraq qeyd etmək lazımdır:“Bu siyasətin nəticəsidir ki, Azərbaycan hazırda Cənubi Qafqaz regionunun ən güclü lider ölkəsinə çevrilib. Ölkəmiz bütün sahələrdə həyata keçirilən layihələrin hazırlanmasında və reallaşması istiqamətində iştirak edir. Azərbaycan olmadan heç bir halda hansısa layihənin gerçəkləşməsi mümkün deyil və bu səbəbdən Azərbaycan nəinki Cənubi Qafqazda, həmçinin Mərkəzi Asya ölkələri ilə Qərb arasında mühüm rol oynayır. Azərbaycan Şərq-Qərb dəhlizində, istər siyasi, istər iqtisadi baxımdan ən güvənilən ölkələr arasında yer alır və bu statusu əldə etmək heç də asan olmayıb”.Ekspert deyib ki, Azərbaycan Prezidenti İlham Əliyevin səyi və məhsuldar görüşləri nəticəsində ölkəmiz nəinki regionda, dünyanın hər yerində hörmət və ehtirama sahib olub:“Bu siyasət Azərbaycanı Cənubi Qafqaz regionu xaricində, Mərkəzi və Orta Asyada, Yaxın və Uzaq Şərqdə, Qərb-Avropa regionunda və Amerika qitəsində xüsusilə də ABŞ -da tanıtdı. Azərbaycan hər il əməkdaşlıq əlaqələrini, dünyada genişləndirir və 2025-ci ildə bu istiqamətdə həyata keçirilən işlər daha çox təşəkkül tapmış və məhsuldar olmuşdur. Ölkəmiz 2025-ci ildə həmçinin bir sıra mühüm beynəlxalq tədbirlərin keçirilməsinə ev sahibliyi etmişdir və bu tədbirlərdə on minlərlə xarici ölkələrin nümayəndələri iştirak etmişdir və təşrif buyuran hər kəsdə ölkəmiz haqqında təsəvvür və təəsüratlar onu deməyə əsas verir ki, Azərbaycan dünya miqyasında təşəkkül tapmış ölkələr sırasında yer alıb. Biz xalq olaraq torpaqları işğaldan azad etmişik. Biz son illər ərzində yüksələn xətlə inkişaf edirik”.Süleyman
Ən son xəbərləri və yenilikləri almaq üçün ain.az saytını izləyin.
