BAKI, 28 noyabr. TELEQRAF
Qara dənizdə Rusiyaya məxsus tankerdə partlayış baş verib.
Teleqraf xəbər verir ki, bu barədə Türkiyənin Nəqliyyat və İnfrastruktur Nazirliyinə bağlı Dənizçilik Baş İdarəsi məlumat yayıb.
Bildirilib ki, Rusiyanın Novorossiysk limanına hərəkət edən “KAIROS” adlı boş tanker Türkiyə sahillərindən təxminən 28 mil məsafədə partlayış nəticəsində yanıb. İlkin ehtimallara görə, yanğın xarici təsir səbəbindən meydana gəlib.
Məlumata əsasən, gəmidə olan 25 heyət üzvünün vəziyyəti qənaətbəxşdir. Onların təhlükəsiz şəkildə təxliyəsi üçün bölgəyə xilasedici qüvvələr cəlb olunub.
Hadisənin səbəblərinin müəyyən edilməsi istiqamətində araşdırma aparılır.
Rusya’nın Novoroski limanına seyreden boş KAIROS tankeri, kıyılarımızdan 28 mil açıkta, dışarıdan bir etkiyle yangın çıktığı ihbarı alınmış olup gemideki 25 personelin durumu iyidir, denizcilerin tahliyesi için bölgeye kurtarma unsurlarımız sevk edilmiş, süreç takip edilmektedir. pic.twitter.com/rVcHPXL4YC
— DENİZCİLİK GENEL MÜDÜRLÜĞÜ (@denizcilikgm) November 28, 2025
