AZ

MDU tələbələri Azərbaycan İES MMC də açıq dərsdə

ain.az xəbər verir, Unikal.az saytına əsaslanaraq.

Mingəçevir Dövlət Universiteti (MDU) ilə “Azərbaycan İES” MMC arasında mövcud əməkdaşlıq çərçivəsində tədrisin praktiki yöndə inkişaf etdirilməsinə uyğun olaraq Energetika mühəndisliyi və Elektrik və elektronika mühəndisliyi ixtisaslarının bir sıra praktikyönümlü fənləri stansiyanın Tədris Mərkəzində keçirilir. 

"Unikal" xəbər verir ki, buna uyğun olaraq 2025-ci ilin 28 noyabr tarixində Enm24 və Eem22 qruplarına Açıq dərs stansiyanın Tədris Mərkəzində təşkil edilmişdir. Dərsləri MDU-nun Energetika kafedrasının gənc müəllimi və stansiyanın əməkdaşı Qədir Məmmədli tədris edib. 

O, tələbələrə nəzəri biliklərin real istehsalat mühitində tətbiqi ilə bağlı əyani nümunələr təqdim edərək onların ixtisas hazırlığının möhkəmləndirilməsinə xüsusi diqqət göstərib.

Sənaye mühitində keçirilən dərsdə stansiyanın əməkdaşları və MDU-nun bir qrup akademik heyəti də iştirak edib, tələbələrin hazırladıqları təqdimatlar maraqla qarşılanıb. Tələbələrin istehsalat prosesi, energetik avadanlıqların işləmə prinsipləri və real əməliyyat şəraiti haqqında biliklərinin artdığı qeyd olunub.

Mingəçevir Dövlət Universiteti və “Azərbaycan İES” MMC arasında yaradılmış bu əməkdaşlıq tələbələrin praktik bacarıqlarının inkişafına, həmçinin universitet–sənaye əlaqələrinin daha da gücləndirilməsinə mühüm töhfə verir.

Hadisənin gedişatını izləmək üçün ain.az saytında ən son yeniliklərə baxın.

Seçilən
47
3
unikal.az

5Mənbələr