Rusiyada qanunları pozduğu iddiası ilə VotsApp-ın tədricən bloklanmağa başlanıldığı bildirilib.
Rusiyanın Federal İnformasiya Texnologiyaları və Kütləvi Kommunikasiya Nəzarəti Qurumu (Roskomnadzor) Rusiyanın TASS xəbər agentliyinə açıqlamasında bu gün VotsApp-da yaşanan giriş problemlərinə dair qiymətləndirmələrə yer verib.
Açıqlamada VotsApp-ın Rusiya qanunlarını pozmağa davam etdiyi vurğulanaraq, “Bu mesajlaşma tətbiqi ölkədə terror aktları təşkil etmək, cinayətkarları işə cəlb etmək, vətəndaşlarımıza qarşı dələduzluq və digər cinayətləri həyata keçirmək üçün istifadə olunur” deyilib.
Rusiyanın bu cür cinayətlərin qarşısını almaq üçün atdığı addımlara VotsApp-ın uyğunlaşmadığı qeyd edilərək, “Buna görə VotsApp-a qarşı davamlı məhdudlaşdırıcı tədbirlər görürük. Məhdudiyyətlər mərhələli şəkildə tətbiq olunur və istifadəçilərin digər mesajlaşma tətbiqlərinə keçməsinə imkan verilir” ifadəsi yer alıb.
Açıqlamada vətəndaşların yerli mesajlaşma tətbiqlərinə keçməli olduğu və VotsApp-ın Rusiya qanunlarına əməl etməməsi halında tamamilə bloklanacağı vurğulanıb.
Qeyd edək ki, Rusiyada təhlükəsizlik və dələduzluqla mübarizə məqsədilə VotsApp və Telegram üzərindən zənglər məhdudlaşdırılır, eyni zamanda bir müddət əvvəl istifadəyə verilən MAX tətbiqi, xüsusilə dövlət qurumlarında sürətlə yayılmağa başlayıb.
