Kəlbəcər rayonu Qalaboynu, Qaraxançallı, Şəkaram və Çovdar kəndləri ərazisində açıq örüş-otlaq sahələrində yanğın baş verib.

Reyting.az bildirir ki, Fövqəladə Hallar Nazirliyinin Mətbuat xidmətinin məlumatına görə, Dövlət Yanğından Mühafizə Xidmətinin qüvvələri əraziyə cəlb olunublar.

Havanın küləkli olması və relyefin mürəkkəbliyi yanğının söndürülməsini çətinləşdirsə də, hazırda yanğınla mübarizə tədbirləri davam etdirilir.

Əlavə məlumat veriləcək.

***

Yanğınla bağlı Kəlbəcər Rayon Polis Şöbəsinin əməkdaşları da əraziyə cəlb olunublar.

DİN-nin Mətbuat Xidmətinin regional qrupundan bildiriblər ki, yanğın zonasının nəzarətə götürülməsi, yanğınsöndürmə qüvvələrinin maneəsiz fəaliyyətinin təmin edilməsi məqsədilə zəruri operativ tədbirlər görülür.