BAKI, 29 noyabr. TELEQRAF
Suriyanın paytaxt əyalətində yerləşən Beyt-Can yaşayış məntəqəsinə İsrailin endirdiyi zərbələr nəticəsində ölənlərin sayı 20-yə çatıb.
Teleqraf xəbər verir ki, bu barədə "Syria TV" keçid hökumətinin Xarici İşlər Nazirliyindəki mənbəyə istinadən məlumat yayıb.
Qeyd olunur ki, daha əvvəl 13 nəfərin öldüyü, 25 nəfərin isə yaralandığı bildirilmişdi. Yaralananlar arasında qadınlar və uşaqlar da var.
Cümə günü İsrail Müdafiə Qüvvələri Suriyanın Beyt-Can qəsəbəsinə havadan zərbələr endirib və artilleriya atəşi açıb. Qəsəbə Dəməşq vilayətində yerləşir.
