Qafqazinfo portalından verilən məlumata əsasən, ain.az bildirir.
Yaponiyada insanların paltaryuyan maşın kimi kapsula girərək, “yuyulduğu” yeni cihaz satışa çıxarılıb. “İnsanyuyan” adlandırılan bu maşın qısa müddətdə geniş rezonans doğurub.
“Qafqazinfo” xarici KİV-ə istinadən xəbər verir ki, maşın paltaryuyan prinsipi ilə işləyir: istifadəçi kapsula daxil olur, musiqi seçir və yuma prosesi başlayır.
Bildirilib ki, məqsəd yalnız fiziki təmizlənmə deyil, həm də istifadəçinin emosional rahatlığını təmin etməkdir. Cihaz yuma prosesi boyunca istifadəçinin ürək döyüntüsünü və digər həyati əlamətlərini qeydə alır.
“İnsanyuyan” əvvəlcə yalnız prototip kimi hazırlanıb. Lakin ABŞ-də fəaliyyət göstərən bir turizm şirkətinin bu konseptin kommersiya potensialına maraq göstərməsindən sonra şirkət məhsulu real istehsala çıxarmağa qərar verib.
Hazırda şirkət təxminən 50 ədəd məhsul istehsal etməyi planlaşdırır və cihazın məhdud sayda buraxılmasının onun dəyərini artıracağı bildirilib. Yerli medianın məlumatına görə, məhsulun satış qiyməti 385 min dollar olacaq.
Hadisənin gedişatını izləmək üçün ain.az saytında ən son yeniliklərə baxın.
