"Mançester Yunayted"in idarə heyəti qarşıdan gələn yay transfer pəncərəsində komandada əsaslı dəyişikliklər etməyi planlaşdırır.
QOL.az xəbər verir ki, bu barədə "The Sun" məlumat yayıb.
Klub rəhbərliyi baş məşqçi Ruben Amorimi dəstəkləməyə və yeni oyunçular almağa hazırdır. Bunun üçün “qırmızı şeytanlar” hazırkı futbolçularının satılmasını nəzərdən keçirir.
Bildirilib ki, "Mançester Yunayted" yarımmüdafiəçilər Bruno Fernandeş, Kazemiro, Kobbi Mayna və Manuel Uqarte, müdafiəçilər Harri Maquayr, Tirell Malazia, hücumçular Ceydon Sanço, Markus Reşford, Yoşua Zirkzee, Rasmus Hoylund və qapıçı Altay Bayındırla yolları ayırmağı planlaşdırır.
Önümüzdəki yayda "Mançester Yunayted”in bir neçə yarımmüdafiəçi, yeni qapıçı və cinah oyunçusu ala biləcəyi vurğulanır.
