Rusiyanın Rabitə, İnformasiya Texnologiyaları və Kütləvi Kommunikasiya üzrə Nəzarət Xidməti (Roskomnadzor) "WhatsApp"ın ölkədə tam bloklana biləcəyi ilə bağlı xəbərdarlıq yayıb. Qurum messencerin terror fəaliyyəti üçün istifadə olunduğunu iddia edir.
Kulis.az xəbər verir ki, qurumun açıqlamasında “WhatsApp”ın Rusiya qanunvericiliyinin tələblərini yerinə yetirmədiyi vurğulanıb və platformaya qarşı məhdudiyyətlərin artıq mərhələli şəkildə tətbiq olunduğu qeyd edilib.
"Roskomnadzor" bəyan edib ki, messencer tələb olunan hüquqi öhdəlikləri yerinə yetirməsə, ölkə ərazisində tam bloklanması istisna olunmur.
