Sherg.az portalından verilən məlumata görə, ain.az xəbər yayır.
Alimlər pişiklərin insanlarla əlaqəsinin əvvəllər düşünüldüyündən daha gec qurulduğunu müəyyən ediblər. BBC-nin xəbərinə görə, pişiklərin nə vaxt, harada və necə əhliləşdirildiyi uzun illərdir müzakirə mövzusudur. Sherg.az xəbər verir ki, bu dəfə alimlər Avropa, Şimali Afrika və Anadoludakı arxeoloji ərazilərdə tapılan pişik sümüklərindən alınan DNT nümunələrini araşdırıblar.
Araşdırma nəticəsində pişiklərin insanlar ilə yaxın münasibət qurmağa yalnız bir neçə min il əvvəl Şimali Afrikada başladıqları məlum olub.
Araşdırma qrupundan Oksford Universitetinin professoru Greger Larson bildirib ki, pişiklərlə insanların münasibəti əvvəl güman edildiyi kimi 10 min il əvvəl deyil, 3 min 500–4 min il əvvəl başlayıb.
Əvvəlki nəticələr pişiklərin əhliləşdirillməsinin kənd təsərrüfatının başlanğıcı ilə eyni dövrə təsadüf etdiyini göstərsə də, Larson yeni tapıntıların Misiri işarə etdiyini vurğulayaraq belə deyib:
“İnsanların ilk dəfə məskunlaşdığı bölgə yerinə bu prosesin daha çox Misirə məxsus olduğu görünür.”
Bununla yanaşı, araşdırmadakı nəticələrin pişiklərin qədim Misirdə böyük hörmət gördüyü, sənətdə əbədiləşdirildiyi və hətta mumiyalanaraq qorunduğu bilgiləri ilə üst-üstə düşdüyü də qeyd edilib.
Tədqiqatda həmçinin, pişiklərin əhliləşdirilməyə başlaması ilə gəmilərdə siçanlarla mübarizə məqsədilə istifadə olunduğu, Avropaya yalnız 2 min il əvvəl çatdığı və daha sonra İpək Yolu vasitəsilə Çinə aparıldığı bildirilir.
Çində fərqli bir pişik növü insanlarla birlikdə yaşayıb
Araşdırmada ayrıca müəyyən olunub ki, Çində ev pişiklərindən daha əvvəl insanlar yanında başqa bir növ yaşayıb.
“Leopard pişiyi” kimi tanınan kiçik bir pişik növünün təxminən 3 min 500 il ərzində insan yaşayış məkanlarında mövcud olduğu aşkarlanıb, lakin bu prosesin əhliləşdirilmə olmadığı qeyd olunub.
Pekin Universitetindən dosent Luo Şu-Cin bildirib ki, bu münasibət iki növün bir-birinə zərər vermədən birlikdə yaşaması ilə xarakterizə olunub:
“Leopard pişikləri insanlara yaxın yaşamaqdan fayda əldə edib, insanlar isə onları təbii siçan ovçuları kimi məmnuniyyətlə qəbul etmiş ola bilər.”
Araşdırma "Cell Genomics" adlı jurnalda dərc olunub.
Hadisənin gedişatını izləmək üçün ain.az saytında ən son yeniliklərə baxın.
