ain.az, Azpolitika.az portalına istinadən məlumat yayır.
Rusiya "Roskomnadzor"u WhatsApp messencerinə qarşı yeni məhdudiyyətlərin tətbiq edildiyini açıqlayıb. Qurum bildirir ki, servis ölkə qanunvericiliyini sistemli şəkildə pozur.
Məlumata görə, WhatsApp Rusiyada terror aktlarının təşkilində, icraçıların cəlb olunmasında, həmçinin dələduzluq və digər cinayət fəaliyyətlərində geniş şəkildə istifadə olunur.
"Roskomnadzor" xəbərdarlıq edib ki, messencer qanunun tələblərini yerinə yetirməsə, ölkədə tamamilə bloklanacaq. İstifadəçilərə isə “milli messencerlərə keçmək” tövsiyə edilib.
28 noyabr səhəri Rusiyanın müxtəlif bölgələrindən WhatsApp-da növbəti bağlantı problemləri barədə məlumatlar yayılıb.
Xatırladaq ki, avqust ayında "Roskomnadzor" WhatsApp və Telegram-da səsli zəngləri bloklamışdı. Həmin vaxt qurum bunun səbəbini dələduzlar və diversiya qruplarının bu platformalardan geniş istifadə etməsi ilə izah etmişdi.
Rusiya rəsmiləri alternativ olaraq “milli messencer” Max-ı təklif edirlər. Lakin sorğulara görə, Max hələ rəqiblərindən ciddi şəkildə geri qalır. Russian Field-in tədqiqatına əsasən, rusların 31%-i Max-dan istifadə edir, lakin onların çoxu yalnız yaxınları ilə ünsiyyət üçün bu tətbiqi açır. Kanalları fəal izləyənlər 4%, öz kanallarını quranlar isə cəmi 1% təşkil edir.
“AzPolitika.info”
Hadisənin gedişatını izləmək üçün ain.az saytında ən son yeniliklərə baxın.
