Lent az saytından əldə olunan məlumata görə, ain.az məlumat yayır.
Panamada yerli əfsanəyə görə, bu ağaclar daha yaxşı yer axtarışında ildə 20 metrə qədər hərəkət edir. Yerli sakinlərin dediyinə görə, palma özünə “ayaqlar” çıxarıb.
Lent.az xarici mediaya istinadən xəbər verir ki, Mərkəzi və Cənubi Amerikanın tropik meşələrinin dərinliklərində Socratea exorrhiza adlı bu palma ağacları yerli sakinlərin sözü ilə desək, bir yerdə böyümür, “meşədə gəzirlər”.
Səyyar palma haqqında əfsanənin kökləri
Əlbəttə ki, bu növü tədqiq edən alimlər heç bir fövqəltəbii qabiliyyət aşkar etməyiblər. Bu palmalar heç yerə getmir və cücərdikləri yerdə böyüyürlər. Lakin sözün əsl mənasında əfsanənin öz “kökü” var.
Ağaca baxan biri elə bilər ki, palma sanki bir neçə ayaq-çalma üzərində dayanır. Lakin bu “ayaqlar” sadəcə bir illüziyadır. Bioloq Skott Trevorusun yazdığına görə, belə qismən yerüstü kök sistemi ağaca dayanıqlıq verir və ağır torpaqda sürətli böyüməyə şərait yaradır.
Ətraf ərazi hündürlük fərqləri ilə dolu, bataqlıq olduqda və ya eroziyaya məruz qaldıqda, torpaqdan yuxarı qalxmış köklər ağacın dik vəziyyətdə dayanmasına kömək edir. Məhz bu qeyri-adi kök forması səyyar palma əfsanəsini doğurub.
Ən son xəbərləri və yenilikləri almaq üçün ain.az saytını izləyin.
