Dubayda canlı internet yayımı zamanı MMA döyüşçüsü Şövxal Çurçayevlə bloger Subo (əsl adı Sübhan Məmmədov Murad Oğlu) arasında insident baş verib.
Azreform.info xəbər verir ki, münaqişə Məmmədovun idmançı ilə zarafat etməsindən sonra yaranıb. "Çuçayev UFC rəhbərinə diz çökərək yalvarıb ki, onu yüksəltsin" deməsi mübahisəyə səbəb olub.
Blogerin sözləri vəziyyətin kəskin şəkildə gərginləşməsi ilə nəticələnib. Çurçayev Məmmədovun üzünə zərbələr vurmağa başlayıb və daha sonra ondan dizi üstə oturaraq ictimaiyyət qarşısında üzr istəməsini tələb edib. Hadisənin videogörüntüləri qısa zamanda sosial şəbəkələrdə yayılıb.
Xatırladaq ki, daha əvvəl Suboya 70 il müddətinə Rusiyaya giriş qadağan edilib.
