Qlobal istiləşmə səbəbindən Avropada su ehtiyatları tükənir və bunun ciddi və genişmiqyaslı nəticələri olacaq.
"Unikal" xəbər verir ki, London Universitet Kollecinin (UCL) alimləri bu barədə araşdırma aparıblar.
Tədqiqatçılar bildiriblər ki, iyirmi illik peyk məlumatlarına əsaslanan yeni təhlilə əsasən, Avropanın su ehtiyatlarının böyük əraziləri quruyur, şirin su ehtiyatları cənub və mərkəzi Avropada – İspaniya və İtaliyadan Polşaya və Böyük Britaniyanın bəzi hissələrinə qədər azalır.
Qeyd olunur ki, hazırda Avropada güclü disbalans müşahidə olunur. İspaniya, İtaliya, Fransa İsveçrə , Almaniya , Rumıniya və Ukraynanın hissələri də daxil olmaqla, cənubun geniş əraziləri quruyur.
