Əgər müntəzəm olaraq səhər saat üç və ya dörddə oyanırsınızsa və yenidən yuxuya gedə bilmirsinizsə, bunun sadə bir həlli var.
E-saglam.az xəbər verir ki, yuxu həkimi məsləhətçisi və yuxu mütəxəssisi Ellie Hare gecə oyandıqdan sonra tez yuxuya getməyə kömək edən təsirli bir texnika paylaşdı.
Mütəxəssisin fikrincə, problemi həll etməyin açarı özünüzü yuxuya getməyə məcbur etmək deyil, koqnitiv yayındırma üsullarından istifadə etməkdir. Beyinə asan bir tapşırıq vermək lazımdır ki, onu yuxuya mane olan obsesif düşüncələrdən və narahatlıqlardan yayındırsın.
"Məsələn, mindən yeddi çıxarın. Yaxud naharınızı necə bişirdiyinizi bir qədər təfərrüatı ilə xatırlayın", - deyə doktor Hare məsləhət görür. Belə monoton zehni məşqlər sinir sistemini sakitləşdirməyə və beyni yuxuya hazırlamağa kömək edir.
Bu üsul 15-20 dəqiqə ərzində nəticə vermirsə, yuxu mütəxəssisi yuxusuzluqdan əziyyət çəkərkən yataqda qalmamağı tövsiyə edir. Yuxuya getmək üçün boş cəhdlər yalnız mənfi əlaqəni gücləndirir, bədəni və beyni yatağı narahatlıq və məyusluqla əlaqələndirməyə öyrədir.
Bu vəziyyətdə, yataqdan qalxıb yumşaq işıqda sakit bir şey etmək daha yaxşıdır - musiqi dinləyin və ya oxuyun. 20-30 dəqiqədən sonra yenidən yuxuya getməyə cəhd edə bilərsiniz.
Tərcümə: Könül Oruc
E-saglam.az
