“Uotford”un hücumçusu Rokko Vata İngiltərə Premyer Liqası təmsilçilərinin maraq dairəsinə düşüb.
QOL.az xəbər verir ki, “Kristal Palas” və “Fulhem” klubları 20 yaşlı irlandiyalı futbolçunu transfer etmək niyyətindədir. “Uotford”un gənc oyunçu üçün təxminən 23 milyon avro tələb etdiyi bildirilir.
Qeyd edək ki, futbolçunun hazırkı klubu ilə müqaviləsi 2028-ci ilə qədər qüvvədədir. Cari mövsümdə bütün turnirlərdə 10 oyunda iştirak edən hücumçu 2 qol və 2 məhsuldar ötürmə ilə yadda qalıb.
