Ajans.az bu barədə BBC-yə istinadən xəbər verir. "L'Escargot Des Grands Crus" ferması bayram mövsümü öncəsi bütün təzə və dondurulmuş ilbiz ehtiyatının oğurlandığını bildirib. "Bayramlar üçün sizi məmnun etmək üçün ehtiyatlarımızı artırmaq üçün əlimizdən gələni edirik. Mağazadan hazır məhsulların hamısı, laboratoriyadan isə xammal ehtiyatı oğurlanıb", - deyə fermanın meneceri bildirib. Yerli medianın verdiyi məlumata görə, ferma müştərilərin il sonu tələbatını ödəmək üçün ehtiyatı artırmağa çalışarkən, polislər hazırda oğruların axtarışdadırlar. Qeyd edək ki, yeməli ilbizlər - və ya eskarqo məşhur fransız yeməyidir.
