İslamabadda keçirilən mətbuat konfransında Pakistanın xarici işlər naziri Məhəmməd İshaq Dar ölkənin Qəzza zolağında Beynəlxalq Sabitləşdirmə Qüvvələrinin (ISF) yerləşdirilməsinə töhfə verməyə hazır olduğunu təsdiqləyib. ...Pakistan ISF-ə hərbi kontingent göndərmək imkanını nəzərdən keçirir, lakin son qərar yalnız missiyanın mandatı dəqiqləşdirildikdən və bütün detallar beynəlxalq tərəfdaşlarla razılaşdırıldıqdan sonra veriləcək.
SİA-nın məlumatına görə, bunu deyən Dar vurğulayıb ki, Pakistan qoşunlarının rolu ciddi şəkildə humanitar və sülhməramlı funksiyalarla məhdudlaşdırılacaq....Bizim vəzifəmiz sabitliyi təşviq etmək, mülki şəxsləri qorumaq və humanitar dəhlizlərin təhlükəsizliyini təmin etməkdir. Tərksilahın təmin edilməsi bizim məsuliyyətimiz deyil. HƏMAS-ın tərksilah edilməsi Fələstin hüquq-mühafizə orqanlarının öz yurisdiksiyaları daxilində həll etməli olduğu məsələdir, - deyə nazir aydınlıq gətirib.
Onun sözlərinə görə, İndoneziya artıq missiyanın ən böyük milli kontingenti olacaq ISF-ə təxminən 20.000 əsgər göndərməyə hazır olduğunu bildirib.
...Pakistanın Baş naziri Şahbaz Şərif ölkənin bu təşəbbüsdə iştirakını yüksək qiymətləndirib və regionda sülhün bərpası üçün kollektiv səylərin vacibliyini vurğulayıb, - deyə Dar əlavə edib.
...Daha əvvəl bildirilmişdi ki, Türkiyə də MSS-də iştirak etməyi düşünür və bu, missiyanın beynəlxalq xarakterini əhəmiyyətli dərəcədə artıra bilər.
Bu planlar gerçəkləşərsə, son illərdə ən böyük sülhməramlı kontingentlərdən biri müsəlman əksəriyyətli ölkələrin səylərini birləşdirərək Qəzzaya yerləşdirilə bilər.
Əli Babayev
