Venesuela prezidenti Nikolas Maduronun göstərişinə əsasən, ABŞ-ın Arizona ştatının Feniks şəhərindən Karakasa xidmət göstərən Maiketia Beynəlxalq Hava Limanına uçuşlara yenidən icazə veriləcək.
Publika.az xəbər verir ki, bu barədə Venesuela Nəqliyyat Nazirliyi məlumat yayıb.
Nazirlik sözügedən uçuşların müntəzəm olaraq çərşənbə və cümə günləri həyata keçiriləcəyini bəyan edərək, Venesuela hökumətinin miqrantların repatriasiyası ilə bağlı bu ilin yanvarında ABŞ ilə əldə edilmiş razılaşmaya sadiq qaldığını vurğulayıb.
Venesuela hökuməti noyabrın 29-da ABŞ-ın venesuelalı miqrantlar üçün uçuşları birtərəfli qaydada dayandırdığını açıqlayıb.
