Benedikt Kamberbetç, Tilda Svinton və Nobel mükafatı laureatı, yazıçı Enni Ernauks kimi tanınmış şəxslər də daxil olmaqla 200-dən çox məhşur Fələstin lideri Mərvan Bərqutinin azadlığa buraxılmasına çağıran birgə bəyanat yayıblar.
Hafta.az-ın yazdığına görə, FƏTH təşkilatının simvolik lideri Mərvan Bərquti 23 ildir ki, İsraildə həbsdədir.
"The Guardian" qəzetinin məlumatına görə, 66 yaşlı fələstinli siyasətçinin azadlığa buraxılmasına çağıran bəyanatda deyilir: “Mərvan Bərqutinin davam edən həbsi, həbsxanada məruz qaldığı pis rəftar və qanuni hüquqlarının maneə törədilməsi ilə bağlı ciddi narahatlıqlarımız var. Birləşmiş Millətlər Təşkilatını və dünya hökumətlərini Mərvan Bərqutinin İsrail həbsxanasından azad edilməsi üçün fəal şəkildə çalışmağa çağırırıq”.
Həmas həmçinin 10 oktyabrda "sülh planı" tətbiq olunmazdan əvvəl Təl-Əviv hökumətindən Bərqutinin azadlığa buraxılmasını xahiş etmişdi. Lakin Benyamin Netanyahunun administrasiyası indiyə qədər bundan imtina edib. Hesabatda bildirilir ki, ABŞ təzyiqi artırarsa, Netanyahu mövqeyini dəyişə bilər.
Birgə bəyanatı imzalayanlar arasında yazıçılar Marqaret Atvud və Zadi Smit, aktyorlar Ser İan Makkellen və Mark Rufallo, musiqiçilər Brayan Eno və Stinq də var.
Çinli fəal və rəssam Ay Veyvey və milyarder sahibkar Ser Riçard Branson da Barqutinin azadlığa buraxılmasını tələb edənlər arasındadır.
1959-cu ilin iyun ayında Qərb Sahilinin Ramallah şəhəri yaxınlığında anadan olan Barquti dörd israilli və bir yunan rahibin ölümü, eləcə də qətl cəhdi və qətl törətmək üçün sui-qəsddə ittihamlanaraq mühakimə olunub. 2004-cü ilin iyun ayında qətllərə görə cəmi beş ömürlük həbs cəzası, qətl cəhdi və sui-qəsddə əlavə 40 il həbs cəzası alıb. Həbsdə olmasına baxmayaraq, Barquti siyasi hakimiyyətini qoruyub saxlaya bilib. O, 2007-ci ilin fevral ayında Həmas-la FƏTH arasında vasitəçilik edib və 2009-cu ildə qiyabi olaraq FƏTH lideri seçilib. İsrail tərəfindən həbs olunduğu zaman parlamentin seçilmiş üzvü olan Barquti Fələstin xalqı arasında ən populyar liderlərdən biridir.
