Ajans.az xəbər verir ki,bu barədə People məlumat verib. 22 yaşlı Rebekka Parkın qalıqları 23 noyabrda Miçiqandakı meşəlik ərazidə tapılıb. Gənc qadın təxminən bir ay idi ki, itkin düşmüşdü. Məhkəmə-tibbi ekspertiza zamanı dəhşətli bir detal ortaya çıxıb: Rebekkanın bətnindən döl çıxarılıb. 2 dekabrda prokurorlar Rebekkanın anası Kortni Bartolomyu və ögey atası Bredli Bartolomyuya qarşı ittihamlar irəli sürüblər. İstintaqa görə, cütlük qızı 3 noyabrda meşəlik əraziyə aldadaraq aparıb və körpəni Rebekka sağ ikən onun bətnindən çıxarıblar. Bu hərəkətlər həm Rebekkanın, həm də doğulmamış uşağın ölümünə səbəb olub. Rayon prokuroru Bartolomyuların hərəkətlərini “təmiz şərliyin təcəssümü” adlandırıb. İstintaq həmçinin cütlüyün alibi yaratmaq cəhdini də aşkarlayıb: cinayətin baş verdiyi gün Kortni 14 yaşlı oğluna sakitləşdirici dərmanlar verib və onu bütün gecəni evdə olduğunu göstərən video çəkməyə məcbur edib. Oğlan daha sonra müstəntiqlərə dərmanın təsirinə görə həmin gecənin hadisələrini dəqiq xatırlaya bilmədiyini etiraf edib. Kortni və Bredli Bartolomyu altı ağır cinayət ittihamı ilə üzləşirlər. Hər bir cinayət şərti azadlığa buraxılmadan ömürlük həbs cəzası ilə nəticələnə bilər.
