Mayamidə tarixi axşam yaşandı, yerli komanda “İnter Mayami” finalda “Vankuver”i 3-1 hesabı ilə məğlub edərək ilk MLS çempionluğunu qazandı.
Publika.az xəbər verir ki, dekabrın 6-da baş tutan qarşılaşma dünya futbol ulduzlarının yenidən baş rolda oynadığı əsl tamaşa idi.
Mövsümün ən həyəcanlı oyunlarından birini keçirən Lionel Messi iki məhsuldar ötürmə etdi və layiqincə finalın ən yaxşı oyunçusu seçildi.
Final fitindən sonra stadion emosiyaya bürünüb. Luis Suares, karyerasının son matçını keçirən Jordi Albanı qucaqlayaraq göz yaşlarına boğulub. Klubun həmsahibi Devid Bekhem meydana çıxıb, Messini hərarətlə qucaqlayıb.
