Özbəkistan milli komandası tarixində ilk dəfə iştirak edəcəyi dünya çempionatı ərəfəsində ciddi itki ilə üzləşib.
QOL.az xəbər verir ki, yığmanın müdafiəçisi İbrahimxəlil Yuldaşev mundialı buraxacaq.
Özbəkistan Futbol Federasiyasının məlumatına əsasən, futbolçunun köhnə zədəsi yenilənib. Onun bərpası üçün ən azı bir ay vaxt tələb olunur ki, həmin vaxta qədər milli komanda qrupdan çıxmaq şanslarını artıq itirə bilər.
Qeyd edək ki, Özbəkistan yığması turnirin qrup mərhələsində Portuqaliya, Kolumbiya və Konqo DR milliləri ilə qarşılaşacaq.
