ABŞ-nin Nvidia şirkəti süni intellekt imkanlarını noutbuk və masaüstü kompüterlərə gətirən yeni superçipi olan "RTX Spark"ı təqdim edib.Metbuat.az xəbər verir ki, “Microsoft Windows” əməliyyat sistemi ilə uyğun olan bu çip gələcəkdə süni intellekt köməkçilərinin siçan və klaviaturanı əvəz etməsinə imkan verə bilər. Tayvanda keçirilən “Computex” konfransında çıxış edən Nvidia şirkətinin baş direktoru Jensen Huang bildirib ki, Nvidia və “Microsoft” arasında üç illik əməkdaşlığın məhsulu olan bu çip süni intellekt dövründə fərdi kompüterləri yenidən formalaşdıracaq.Mikroprosessor və qrafik çipini birləşdirən yeni aparat süni intellekt köməkçilərinin bulud sistemlərinə ehtiyac olmadan kompüterdə lokal şəkildə işləməsinə imkan verir. Güclü quruluşuna baxmayaraq, çip kompüterlərin nazik və yüngül qalmasını təmin edir.Yeni çiplər Dell, Lenovo, Asus və HP kimi istehsalçılar tərəfindən istifadə olunacaq.
