ain.az, Azpolitika.az saytından verilən məlumata əsaslanaraq xəbər yayır.
Finlandiyanın şimalında yerləşən Laplandiya bölgəsinin məşhur turizm mərkəzi Levi yay mövsümündə turistləri cəlb etmək üçün qeyri-adi layihəyə start verir.
“Gecəyarısı Günəşi Ovu” adlanan tədbir çərçivəsində dəyəri 20 min avro olan qızıl külçəsi gizlədiləcək və onu tapan şəxs mükafata sahib olacaq.
Təşkilatçıların məlumatına görə, xəzinə ovu iyunun 18-də başlayacaq. İştirakçılar ilk ipucunu Levi Ziyarətçi Mərkəzində əldə edəcək, daha sonra isə yay boyunca paylaşılacaq yeni ipucları vasitəsilə qızılın yerini müəyyən etməyə çalışacaqlar.
Tədbir iştirakçılarına bölgənin məşhur yürüş marşrutlarını, təbii gözəlliklərini və turistik məkanlarını kəşf etmək imkanı yaradacaq. Son ipucunun avqustun 22-də açıqlanması planlaşdırılır.
Şimal Qütb dairəsinin yaxınlığında yerləşən Levi qış aylarında xizək turizmi və şimal işıqları ilə tanınsa da, yayda gecəyarısı günəşi sayəsində günün 24 saatı işıqlı olur. Təşkilatçılar hesab edirlər ki, bu təşəbbüs bölgənin yay turizminə marağı artıracaq.
"AzPolitika.info"
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
