- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
Hansı yaşda daha çox zülal yemək lazımdır? — Diyetoloq cavab verdi
Demokrat.az xəbər verir ki, bu barədə diyetoloq Liya Barron Verywell Health nəşrinə məlumat verib.
Onun sözlərinə görə, bədən çəkisinin hər kiloqramına 0,8 qram zülal qəbul etmək tövsiyəsi 40 yaşa qədər keçərlidir. Bundan sonra norma 1–1,2 q/kq-a qədər artır, 65 yaşdan sonra isə bu göstərici 1,2 q/kq-dan da çox ola bilər.
"Yaş artdıqca sarkopeniya, yəni əzələ kütləsinin itirilməsi riski yüksəlir. 30 yaşdan sonra orta hesabla hər onillikdə əzələ itkisi 3–5% təşkil edir", deyə o bildirib. Bu məlumatlar ABŞ-ın Qadın Sağlamlığı İdarəsinin açıqlamalarına əsaslanır.
Mütəxəssis izah edib ki, sarkopeniya qismən metabolizm və hormonlardakı dəyişikliklərlə bağlıdır və yaraların sağalmasını zəiflədə, tarazlığı poza, yorğunluq və dözümlülük azalmasına səbəb ola bilər.
Ekspertin sözlərinə görə, yaşlanma ilə əzələ itkisinin qarşısını tam almaq mümkün olmasa da, düzgün qidalanma və güc məşqləri ilə bu prosesi ləngitmək olar. Məsələn, çəkisi 72 kq olan 40 yaşlı bir insan üçün bu, gündə təxminən 60 qramdan 72–87 qram zülala qədər artım deməkdir.
Barron gündəlik rasiona əlavə edilə biləcək zülal mənbələrini də sadalayıb:
* 85 qram mal əti, toyuq və ya balıq
* 2–3 yumurta
* 1 stəkan lobya və ya mərcimək
* 1 stəkan yunan yoqurtu
* 1 stəkan tofu
O, həmçinin ABŞ Milli Sağlamlıq İnstitutlarının məlumatlarına istinadla bildirib ki, yüksək zülallı məhsullara süd, tempeh, fıstıq, badam, fındıq, günəbaxan tumu, qoz, qoz pastaları və kinoa da daxildir.
Barronun sözlərinə görə, yaş artdıqca kifayət qədər zülal qəbulu xüsusilə vacibdir:
"Düzgün zülal qəbulu yıxılma riskini azalda, zədələrdən sonra yaraların daha tez sağalmasına kömək edə, hərəkətlilik, dözümlülük və immun sistemini dəstəkləyə bilər".
Mütəxəssis əlavə edib ki, zülal hüceyrə səviyyəsində bərpa və yeni hüceyrələrin yaranması üçün vacib rol oynayır, buna görə də hər yaşda kifayət qədər qəbul edilməsi önəmlidir.
Barron vurğulayıb ki, həm bitki, həm də heyvan mənşəli zülallar faydalıdır, lakin heyvan mənşəli zülallar "tam zülal" sayılır, çünki bütün vacib amin turşularını ehtiva edir. Bitki mənşəli zülallar isə adətən bu baxımdan natamam ola bilər.
Jalə
Demokrat.az
