27-29 noyabr tarixlərində ABŞ dövlət katibi Antoni Blinken Brüsseldə NATO Xarici İşlər Nazirlərinin Toplantısında iştirak edəcək.
Modern.az xəbər verir ki, iclas çərçivəsində NATO-Ukrayna Şurasının xarici işlər nazirləri səviyyəsində ilk toplantısı da keçiriləcək.
"Blinken Rusiyanın təcavüzünə qarşı mübarizədə NATO-nun Ukraynaya sarsılmaz sadiqliyini vurğulayacaq, Qərbi Balkanlarda demokratiya və regional sabitliyə dəstəyi təkrarlayacaq və 2024-cü ilin iyulunda keçiriləcək Vaşinqton Sammitinin prioritetlərini müzakirə edəcək", - deyə qeyd olunub.
