Ukrayna hərbçiləri Donetsk vilayətinin Şevçenko kəndində rus işğalçı qüvvələrini geri oturda biliblər.
Moderator.az "UNİAN"-a istinadla xəbər verir ki, bu barədə "DeepState"("Dərin dövlət") analitik layihəsinin telegram-kanalında məlumat yayılıb.
Analitiklərin yenilənmiş məlumatlarına görə, Rusiya işğalçı qüvvələri Quevo (Kursk vilayəti), Novolyubovka (Luqansk vilayəti) və Çasovıy Yar (Donetsk vilayəti) yaxınlığında irəliləyir.
Ukrayna Silahlı Qüvvələrinin Baş Qərargahının son hesabatında bildirilir ki, cəbhədə 24 saat ərzində ruslarla 120 döyüş toqquşması baş verib. Toqquşmaların ən çox sayı Limansk (19 hücum), Pokrovsk (42 hücum) və Kursk (17 hücum) istiqamətlərində qeydə alınıb.
Cəbhədəki vəziyyət
Xatırladıılır ki, Rusiya Müdafiə Nazirliyi bu yaxınlarda Sumı rayonunun Basovka kəndinin işğalı barədə məlumat yayıb. Ukrayna Dövlət Sərhəd Xidməti bildirib ki, işğalçılar yaşayış məntəqəsini ələ keçirməyə çalışırlar, lakin Müdafiə Qüvvələri buna qarşı mübarizə aparır.
"DeepState"-in yaradıcılarından biri Ruslan Mikula xəbərdarlıq edib ki, rus işğalçıları Basovkanı Yunakovka istiqamətində hücum üçün qalaya çevirə bilərlər.
Bu arada, Cənub Müdafiə Qüvvələri Rusiya Federasiyasının cənuba texnika və əsgərlərin daşınması üçün işğal olunmuş Mariupoldan keçən yeni dəmir yolundan fəal istifadə etdiyini bildirib.
