Madonna və Elton Con 20 il sonra barışdı

Dünya ulduzu Madonna 20 illik ədavətdən sonra müğənni həmkarı Elton Con ilə barışdığını açıqlayıb.

Mynews.az xarici mətbuata istinadən xəbər verir ki, bu haqda Madonna şəxsi "instagram" hesabında məlumat verib.

Madonna şəxsi bloqunda Con ilə birgə fotosunu yerləşdirib.

O, sənətçi ilə "Saturday Night Live" şousunda səhnə arxasında görüşdüyünü və Elton Condan onun ünvanına səsləndirdiyi təhqirlərə görə üzr istədiyini deyib.

"Ondan üzr istədim və aramızdakı divar uçdu. Bağışlamaq güclü bir vasitədir. Bir neçə dəqiqə qucaqlaşdıq və düşmənçilik bitdi" deyə Madonna paylaşımında bildirib.

Madonnanın sözlərinə görə, Con hətta ona həsr olunmuş mahnı yazıb və onu əməkdaşlığa dəvət edib.

Xatırladaq ki, iki ulduz arasında ədavət 2004-cü ildə Elton Conun Madonnanın "Die Another Day" trekini sərt şəkildə tənqid etməsi ilə başlamışdı. O, kompozisiyanı "tarixdəki ən pis mövzulu layihə" adlandırmışdı. 

 

• Åžou-Biznes
• Madonna
• Instagram
• Barış
• Elton Con
• Saturday Night Live