Qadağa yaxınlaşır: düzgün qərardır, cəmiyyətimizin məhvə gedər

“Bəzən deyirlər ki, qohum olanda insanlar boşanmır, qohumluqlarına görə ailələrin dağılmamasının tərəfdarı olurlar. Mən bu məsələ ilə razılaşmıram”.

Bu sözləri Ölkə.az-a açıqlamasında sosioloq Lalə Mehralı deyib.

Onun fikrincə, qohum nikahlarından sonra boşanma baş verirsə, bu, sosial münasibətlərin kökünə təsir edir, münasibətlər pisləşir və qohumluq əlaqələri itir:

“Yəni əslində bu, həm qohum nikahdan birləşən ailənin dağılması, həm də qohumluq münasibətlərinin məhvi deməkdir. Dolayısı ilə bu da cəmiyyətdə sosial problemlərin təməlində özünü göstərəcək. Çünki biz elə bir cəmiyyətik ki, bizim təşəkkül tapmağımızda dostluq, qohumluq münasibətləri çox rol oynayır.

Zənnimcə, qohum nikahlarının fiziki və psixoloji baxımdan sağlam nəsil yetişdirilməsi nöqteyi-nəzərindən qadağan olunması, eyni zamanda, sosial münasibətlərin sağlamlaşmasına da töhfə verə bilər.

Qohum elə qohum kimi qalacaq, Qohum nikahları yaranıb, sonra boşanıb o münasibətlər məhv olana qədər ümumiyyətlə, qohum nikahların baş tutmaması daha məqsədəuyğun olar. Həm gələcək nəsillərin sağlamlığı baxımından, həm də sosial münasibətlərin sağlam olması baxımından”.

Qeyd edək ki, Azərbaycanda qohumlar arasında nikah bağlanması 2 ay sonra qadağan olunur. Evlənənlərin sayında ötən illə müqayisədə artım müşahidə edilir. Dövlət Statistika Komitəsinin məlumatına görə, ötən ilin yanvar-fevral aylarında 6 739 nikah qeydə alınmışdısa, bu ilin eyni dövründə 7741 nikah və 3414 boşanma qeydə alınıb. Bəzi ekspertlər uzun illərdən sonra nikah sayında qeydə alınan artımı qohum evliliyinə qoyulan qadağa ilə əlaqələndirir.

Həmidə İbrahimova

Qadağa yaxınlaşır: düzgün qərardır, cəmiyyətimizin məhvə gedər

Sign in to your account

Sign up

Şifrəni bərpa et