Bakıda təşkil olunan minifutbol üzrə dünya çempionatında daha bir oyun keçirilib.
"Report"un məlumatına görə, B qrupunun II turunda Fransa yığması Özbəkistan seçməsi ilə üz-üzə gəlib.
Milli Gimnastika Arenasındakı qarşılaşma qollu bərabərliklə başa çatıb - 3:3.
Fransızlar ilk görüşdə Çadı məğlub edib - 1:0. Özbəkistan millisi isə Rumıniyaya yenilib - 1:2.
Bu gün saat 16:30-da, B qrupunun Çad - Rumıniya qarşılaşması da baş tutacaq.
Qeyd edək ki, dünya çempionatı iyunun 1-də başa çatacaq.
