BAKI, 8 iyun. TELEQRAF
Slovakiyanın Baş naziri Robert Fitso ölkənin müdafiə xərclərinin tədricən artırılmasının qaçılmaz olduğunu bildirib.
Teleqraf xəbər verir ki, o bu barədə jurnalistlərə açıqlamasında deyib.
Fitso qeyd edib ki, müdafiə xərclərinin birdən-birə artırılması mümkün deyil:
“Əgər kimsə düşünürsə ki, sabahdan müdafiə xərclərini ÜDM-in 2%-dən 5%-ə qaldıra bilərik, bu, mümkün deyil.”
Slovakiya Prezidenti Peter Pelleqrini isə daha əvvəl açıqlamışdı ki, ölkəsi NATO sammitində müdafiə xərclərinin ÜDM-in 3,5%-i, əlavə müdafiə ehtiyacları üçün isə 1,5%-i təşkil etməsini dəstəkləyəcək. O əlavə etmişdi ki, bu planların həyata keçirilməsi üçün optimal müddət 10 ildir.
Qeyd edək ki, NATO-nun sammiti 24-25 iyun tarixlərində Haaqa şəhərində keçiriləcək.
