Ukraynadan olan qaçqınlar məsələsi Avropa İttifaqında münaqişəyə səbəb ola bilər. Bunun əsas səbəbi isə Aİ-nin onların hüquqi statusu ilə bağlı yekdil qərara gələ bilməməsidir.
Bu barədə İsveçrənin “Neue Zürcher Zeitung” nəşri məlumat yayıb.
Brüssel narahatdır: ukraynalıların daha əlverişli şəraitin olduğu Avropa ölkələrinə köçməsi ehtimal olunur. Məqalədə bildirilir ki, bu cür ssenari Aİ üzvləri arasında mütləq münaqişəyə səbəb olacaq.
Münaqişənin başlanğıcından bəri təxminən 4,3 milyon Ukrayna vətəndaşı Avropada müvəqqəti müdafiə statusu alıb. Bu status 2022-ci ildən bir neçə dəfə uzadılıb və yaxın zamanda Avropa Komissiyası onu 2027-ci ilə qədər uzatmağı təklif edib.
Vurğulanıb ki, hüquqi qeyri-müəyyənlik ukraynalıları əmək bazarında və mənzil sahəsində çətin vəziyyətə salır. Müəlliflərin fikrincə, onları sığınacaq sistemi ilə qəbul edib sonradan qaçqın statusuna keçirmək də çıxış yolu deyil, çünki bu qədər müraciətin işlənməsi üçün inzibati resurslar kifayət etmir.
Məqalə müəllifləri bu qaçqın problemi ilə bağlı Avropa İttifaqının qarşısında duran ciddi çağırışlara diqqət çəkirlər.//publika.az
