BAKI, 10 iyun. TELEQRAF
Qaz istehlakçısı texniki xidmətə görə podratçı ilə müqavilə imzlayacaq.
Teleqraf xəbər verir ki, sözügedən məsələ parlamentin Təbii ehtiyatlar, energetika və ekologiya komitəsinin bugünkü iclasında müzakirəyə çıxarılan "Qaz təchizatı haqqında" yeni qanun layihəsində əksini tapıb.
Qeyd olunub ki, müayinə aktına əsasən istehlakçı qaz qurğularına və qaz xətlərinə, tüstü bacalarına, habelə havalandırma və havadəyişmə xətlərinə texniki xidmət göstərilməsi üçün qazpaylayıcı sistem operatoru və ya ixtisaslaşmış podratçı ilə müqavilə bağlayacaq.
