Bakının Xətai rayonunda növbəti dəfə ağaclar qurudulub qanunsuz obyekt tikilir.
Paytaxtın Xətai rayon Gəncə Prospekti 105 ünvanında yaşıllıq məhv edilərək qanunsuz obyekt tikintisi aparılır.
Xətai rayonunun bir çox ərazilərində qanunsuz tikintilərin aparılması ilə bağlı məlumat verilir.
Dövlət Şəhərsalma və Arxitektura Komitəsinin rəsmi məlumat bazasında Xətai rayonu Gəncə prospekti 105 ünvanında hər hansı bir tikinti barədə rəsmi qeyd və məlumat göstərilməyib.
Məsələ ilə bağlı Xətai rayon icra hakimiyyətinin mövqeyini öyrənmək mümkün olmadı.
Həmçinin qanunsuz tikinti ilə bağlı Bakı Şəhər Memarlıq və Şəhərsalma Baş İdarəsində heç bir açıqlama verilmədi.
Aidiyyatı qurumların mövqeyini dərc etməyə hazırıq.
Qeyd edək ki, 2019-cu ildən Xətai rayon icra hakimiyyətinin başçısı Rafiq Quliyevdir.
