Bir çox aviasərnişinlər təyyarədə pəncərə kənarında oturmağı üstün tutur, lakin onlar çox vaxt bu ən arzuolunan yerlərin hansı təhlükəni daşıdığını belə bilmirlər. Məsələ burasındadır ki, yüksək hündürlükdə günəş daha parlaq və güclü şəkildə şüa saçır. Buna görə sərnişinlər, təyyarənin içində olsalar belə, xüsusilə də pəncərə kənarında otururlarsa, daha güclü ultrabənövşəyi (UV) şüalanmaya məruz qalırlar.
Ölkə.az lent.az-a istinadən xəbər verir ki, bu barədə bir sıra elmi məqalələrdə və dermatoloqların səsləndirdikləri fikirlərdə qeyd edilir.
Dermatoloq həkim Elizabet Cons bildirir ki, qeyri-müntəzəm uçanlar üçün real risk çox güman ki, azdır, işə görə tez-tez uçan insanlar, xüsusilə kabinədə oturanlarön şüşənin ölçüsünü nəzərə alaraq, ultrabənövşəyi şüaya daha çox məruz qalırlar.
Avstraliyalı stüardessa Kayla da daha əvvəl yüksək hündürlükdə günəşdən qoruyucu kremdən istifadə etməyi tövsiyə etmişdi.
“Uçuşlarda gizli bir təhlükə var və məncə, insanların əksəriyyəti bundan xəbərsizdir. Bu, Ultrabənövşəyi = (UV) şüalanmadır. Yuxarıda UV şüaları inanılmaz dərəcədə güclüdür, buna görə mən mütləq uçuşdan əvvəl və uçuş zamanı günəşdən qoruyucu krem çəkirəm”, – Kayla bildirib.
