Dünən Stokholmda Bilderberq Qrupunun "gizli iclası" başlayıb. Orada digər məsələlərlə yanaşı, Ukraynanın gələcəyi də müzakirə olunur. Bu barədə RMF2 xəbər verir. İclasın iyunun iyunun 15-dək davam edəcəyi bildirilir. Görüş "Grand Hotel"də debat və mətbuat konfransı verilmədən keçiriləcəyi üçün "gizli"dir. Avro-Atlantik münasibətlər, Ukraynanın gələcəyi, ABŞ iqtisadiyyatı, Avropa, Yaxın Şərq, həmçinin müdafiə innovasiyaları, süni intellekt və miqrasiya məsələləri müzakirə olunacaq.
NATO-nun baş katibi Mark Rutte, İsveçin baş naziri Ulf Kristersson, Polşanın xarici işlər naziri Radoslav Sikorski, Finlandiya prezidenti Aleksandr Stubb, Norveçin maliyyə naziri və NATO-nun keçmiş baş katibi Yens Stoltenberq və Bundestaqın spikeri Julia Klöcknerin iştirakı gözlənilir.
Bilderberg Qrupu Avropa və Şimali Amerikanın siyasi elitasından, sənayedən, maliyyədən, elmdən və mediadan 120-150 nəfərin iştirak etdiyi illik özəl konfransdır. Konfrans 1954-cü ildən hər il keçirilir. Bütün iştirakçılar yalnız dəvətlə qəbul olunurlar və toplantıda əldə etdikləri məlumatlardan istifadə etmək hüququna malikdirlər, lakin onun kimə aid olduğunu açıqlamaq olmaz.
Əziz Mustafa
