İsrail İranı vurur. Hücumda ölən və yaralananların olduğu, o cümlədən İran Baş Qərargah rəisi Baqiri və İnqilab Keşikçiləri Korpusunun (SEPAH) komandanı Səlaminin olduğu açıqlanıb. ABŞ, “Hücumda iştirak etmirik” ifadəsini işlədib.
İsrailin hücum təhdidlərindən sonra İranın paytaxtı Tehranın mərkəzində şiddətli partlayışlar baş verib. Hücumun Tehranın qərbində baş verməsi ilə bağlı məlumatlar İran mətbuatında öz əksini tapıb.
İran dövlət televiziyası İranın şimal və cənubunda bir çox nöqtədən şiddətli partlayış səslərinin eşidildiyini təsdiqləyib.
İranın “Press TV” kanalı İsrailin paytaxt Tehrana hücumu nəticəsində 5 nəfərin öldüyünü, 20 nəfərin yaralandığını bildirib.
***
NTV-nin Tehran nümayəndəsi Əli Çabuk NTV-nin canlı yayımında partlayış şayiələrini belə izah edib: “Bəzi görüntülər paylaşılıb. Bu görüntülərdə Tehranın şəhər mərkəzində, xüsusən də şimal bölgəsində bəzi nöqtələrin hədəfə alındığı görünür.
Mən də Tehran şəhərinin mərkəzindəyəm. Burada da çox güclü partlayış səsləri eşidilir. Döyüş təyyarələrinin səsini eşidirəm. Həmçinin hazırda havada çox kəskin barıt qoxusu var”.
Partlayış səslərindən sonra İran döyüş təyyarələrinin də havaya qalxdığını bildirən Çabuk, “Çox güclü döyüş təyyarəsi səsləri eşidirik. İran çox sərt cavab verəcəyini açıqlamışdı. İran ictimaiyyətində də gözləntilər var. İran əks hücuma keçəcəkmi? İndi bütün gözlər buna yönələcək”.
Əli Çabuk bildirib ki, sonrakı saatlarda Tehrandan başqa Təbriz və Nətənzdə də bəzi ərazilər vurulub.
***
İran dövlət televiziyası da İsrailin Tehrandakı mülki yaşayış məntəqələrini vurması ilə bağlı görüntülər yayıb. Hücum nəticəsində aralarında uşaqların da olduğu çoxlu ölən və yaralananların olduğu da açıqlanıb.
İran dövlət televiziyası Tehranda mülki yaşayış məntəqələrinə edilən hücumlarda ilkin məlumatlara görə 5 nəfərin öldüyünü, 20 nəfərin yaralandığını açıqlayıb.
***
SEPAH Mərkəzi Komandanlığının vurulduğunu da açıqlayan İran dövlət televiziyası korpusunun komandanı Hüseyn Səlaminin öldüyünü təsdiqləyib.
İranın İRNA xəbər agentliyi Baş Qərargah rəisi Məhəmməd Baqirinin sağ olduğunu və hazırda “müharibə otağında” olduğunu açıqlayıb.
Bununla belə, Fars Xəbər Agentliyi Baş Qərargah rəisi Baqerinin öldürüldüyünü açıqlayıb.
Səhər saatlarında İran Dövlət Televiziyası da Baş Qərargah rəisi Baqerinin İsrailin hücumu nəticəsində öldüyünü təsdiqləyib.
***
Hücumda nüvə tədqiqatları ilə məşğul olan alimlər Feridun Abbasi və Məhəmməd Mehdi Tehrancinin həyatını itirdiyi açıqlanıb.
Digər tərəfdən, Natanzdakı nüvə obyektini hədəf alan hücumdan sonra heç bir sızma aşkar edilmədiyi bildirilib. İran təhlükəsizlik mənbələri Tehran administrasiyasının “İsrailə çox sərt cavab” verməyə hazırlaşdığını bildirib.
***
“Reuters” hücumu İsrailin həyata keçirdiyini açıqlayıb. Agentlik ABŞ rəsmilərinə istinadən bildirib ki, “ABŞ hücumlarda birbaşa və ya dəstəkləyici şəkildə iştirak etmir”.
ABŞ dövlət katibi Marko Rubio da “İsrail İrana qarşı birtərəfli addım atdı. Biz İrana qarşı hücumlarda iştirak etmirik. Bunu açıq şəkildə deyirəm, İran bizi hədəfə almamalıdır. Bizim prioritetimiz regiondakı Amerika qüvvələrini qorumaqdır”.
***
Ağ Ev hücumdan sonra verdiyi açıqlamada ABŞ prezidenti Donald Trampın Milli Təhlükəsizlik Şurasının iclasına qatılacağını açıqlayıb.
İrana hücum etdiklərini təsdiqləyən İsrail müdafiə naziri Yisrael Katz da bütün İsraildə fövqəladə vəziyyət elan olunduğunu açıqlayıb.
Katz, “İsrailin İrana qarşı qabaqlayıcı hücumundan sonra yaxın gələcəkdə İsrailə və mülki əhaliyə qarşı raket və dron hücumları gözlənilir”, – deyib.
***
Hücumun “Yüksələn Aslan” olaraq elan edilməsindən sonra ordu radiosu İsrail hava məkanının növbəti xəbərdarlığa qədər bağlı olduğunu açıqlayıb.
Digər tərəfdən, Tel-Əvivdəki Ben Qurion hava limanı uçuşlara bağlanıb.
Mümkün bir hücum xəbərdarlığı kimi bütün İsraildə həyəcan siqnalları işə salınıb.
Bildirilib ki, ölkə ərazisində tam fəaliyyətə başlaması, vacib sektorlar istisna olmaqla, maarifləndirici fəaliyyət və toplantıların qadağan edilməsi barədə qərar qəbul edilib.
***
Ordu İrana qarşı hücumlarda onlarla reaktiv təyyarənin iştirak etdiyini və “İranın müxtəlif bölgələrində nüvə hədəfləri də daxil olmaqla onlarla hərbi obyektə hücumların daxil olduğu birinci mərhələnin tamamlandığını”, – açıqlayıb.
İranın nüvə proqramına zərbə vurmaq üçün qabaqlayıcı, dəqiq və birləşmiş hücuma keçdiklərini açıqlayan İsrail ordusu, İsrailin öz vətəndaşlarını müdafiə etdiyini əsas gətirərək lazım olan hər yerə hücum edəcəkləri ilə hədələyib.
İsrail Ordusu Radiosu hücumun ikinci dalğasının da başladığını və İranın qərbinə yönəldiyini deyib. Digər tərəfdən, İsrailin “Kanal 12” televiziyası minlərlə ehtiyat əsgərin xidmətə çağırıldığını bildirib.
***
Digər tərəfdən İsrailin baş naziri Binyamin Netanyahu da İrana hücumla bağlı açıqlama verib: “İsrail tarixində həlledici nöqtədəyik. Qırıcı pilotlarımız İranda bir çox nöqtələri vururlar.
Bu əməliyyat neçə gün davam etsə də davam edəcəyik. Bizim müharibəmiz İran xalqı ilə deyil, diktatura rejimi ilədir”.
Netanyahu həmçinin, “İranın Natanz şəhərindəki uranın zənginləşdirilməsi mərkəzini vurduq. Nüvə bombası istehsal edən alimləri də hədəf aldıq”, – deyib.
***
İsrail təhlükəsizlik mənbələri həmçinin Tehran hücumunda İranın Baş Qərargah rəisi Məhəmməd Baqeri, SEPAH komandanı Hüseyn Salami və nüvə tədqiqatları ilə məşğul olan yüksək səviyyəli alimlərin öldürülməsi ehtimalının yüksək olduğunu açıqlayıb.
İranın dövlət mətbuatında əksini tapan xəbərlər də Baş Qərargah rəisi Baqerinin vəfat etdiyini bildirib.
İsrailin hücumunda ölənlərdən sonra Əhməd Vahidi SEPAH baş komandanı təyin edilib. Vahidi keçmiş daxili işlər naziri və keçmiş SEPAH komandiri olub.
İranın dini lideri Ayətullah Əli Xameneyinin fərmanı ilə Əmir Həbibullah Seyyari İran Baş Qərargahının müvəqqəti komandanı təyin edilib.
***
Hücumdan sonra bir İsrail rəsmisi ölkə mediasına bildirib ki, əməliyyatdan əvvəl ABŞ administrasiyası məlumatlandırılıb. Rəsmi “İranla bağlı Vaşinqtonla tam koordinasiyadayıq” deyib.
***
İran Xarici İşlər Nazirliyi də hücuma görə ABŞ-ı günahlandırıb: “Beynəlxalq hüquqa görə İsrailə cavab vermək hüququmuz var. İsrailin avantürist hərəkətlərinə görə İsrailin əsas dəstəkçisi olan ABŞ məsuliyyət daşıyacaq”.
Bəyanatda, “İsrailin hücumu qlobal təhlükəsizliyi görünməmiş bir təhlükə ilə qarşı-qarşıya qoydu”, – deyilir
***
İran Baş Qərargahının sözçüsü briqada generalı Ebülfəzl Şikarçi İsrailin hücumlarına sərt cavab verəcəklərini bildirib.
Şikarçi, “İsrail İrana hücumlarını ABŞ-ın köməyi ilə həyata keçirdi. Bunun əvəzini ağır ödəyəcəklər. İran silahlı qüvvələrinin sərt cavabını gözləməlidirlər”, – deyib. dedi. İran rəsmisi İsrailin hücumunda bəzi komandirlərin həyatını itirdiyini bildirib.
***
İsrail Baş Qərargah rəisi Eyal Zamir “Bizə meydan oxuyanlara xəbərdarlıq edirəm, bunun əvəzini ağır ödəyəcəksiniz”, – deyib.
İsrail ordusundan verilən açıqlamada Baş Qərargah rəisi Zamir uzun müddətdir ki, İrana hücum üçün hazırlıqların görüldüyünü bildirib.
Başladıqları hücumlarla dönüşü olmayan nöqtədə olduqlarını ifadə edən Zamir, İrana hücum etməkdən başqa çarələrinin olmadığını iddia edib.
İranın onlara hücum edəcəyini bildirən Zamir gözlənilən qiymətin həmişəkindən fərqli olacağını qeyd edib.
***
Hava aydınlaşdıqca İsrailin hücumlarının üçüncü dalğası başlayıb. İran dövlət mediası Tehranda yeni partlayış səslərinin eşidildiyini bildirərkən, İranın şimal-qərbində də 3 hərbi obyektin vurulduğu bildirilib.
Səudiyyə Ərəbistanı İsrailin İrana hücumlarını qınayıb və onların beynəlxalq hüquqa zidd olduğunu vurğulayıb. Bəyanatda İsrailin hücumları İranın suverenliyinə zidd olaraq qiymətləndirilir.
