ABŞ Dövlət Departamenti 215 milyon dollar dəyərindəki JAGM (Joint Air-to-Ground Missiles) raketlərinin Niderlanda satışını təsdiqləyib.
“Poliqon” xəbər verir ki, bu barədə ABŞ-ın Müdafiə Təhlükəsizliyi Əməkdaşlıq Agentliyi (DSCA) məlumat yayıb.
Bildirilib ki, sifarişə 296 ədəd AGM-179A JAGM “hava-yer” raketinin satın alınması, eləcə də onlara təmir, texniki xidmət, ehtiyyat hissə və logistika dəstəyinin göstərilməsi daxildir.
Sözügedən sifarişin baş podratçı ABŞ-ın “Lockheed Martin” şirkəti olacaq.
Qeyd olunub ki, JAGM raketləri Niderland Hərbi Hava Qüvvələrinin AH-64 ağır döyüş helikopterləri tərəfindən istifadə ediləcək.
