ABŞ-nin Havay ştatında yerləşən və dünyanın ən aktiv vulkanlarından biri hesab olunan Kilauea vulkanı yenidən püskürüb.
Manset.az xarici mediaya istinadən xəbər verir ki, bu, vulkanın bu vaxta qədər qeydə alınan 25-ci püskürməsi olub.
ABŞ Geoloji Xidmətinin (USGS) məlumatına görə, lava axını Halemaʻumaʻu kraterinin kənarından təxminən 305 metr (təqribən 1000 fut) hündürlüyə qədər qalxıb.
Püskürmə nəticəsində sıx qara tüstü cənub-qərb istiqamətində yayılıb və onun tərkibində vulkanik tefranın da olduğu ehtimal olunur.
Rəsmi qurumlar Havay Vulkanları Milli Parkına səfər edən turistlərə və yerli sakinlərə təhlükəsizlik qaydalarına riayət etməyi, qapalı ərazilərdən uzaq durmağı və zərərli qazlara qarşı ehtiyatlı olmağı tövsiyə ediblər.
