“American Rheinmetall” şirkəti (“Rheinmetall”ın tərkibinə daxildir) “M1 Abrams” tankları üçün ABŞ Ordusundan T-158 hərbi tırtıl sifarişi alıb.
“Poliqon” “Rheinmetall”a istinadən xəbər verir ki, bununla bağlı tərəflər arasında 107.5 milyon ABŞ dolları (təxminən 94.1 milyon avro) dəyərində beş illik müqavilə imzalanıb.
Bildirilib ki, bu uzunmüddətli müqavilə T-158 tırtıllarına olan ehtiyat ehtiyacının artdığı bir dövrdə imzalanıb. Bu sistemlər döyüş hazırlığının davamlılığını təmin etmək üçün vacibdir. “American Rheinmetall”ın operativ çatdırmaları, ABŞ Ordusunun “M1 Abrams” tank parkının döyüş hazırlığını qorumasına birbaşa töhfə verir.
T-158 tırtıl sistemi “M1 Abrams” tankının yüksək performanslı və sərt şəraitlərə davamlı hərəkət komponentidir. Tırtıl sistem dəyişdirilə bilən yastıqlar (pad) ilə təchiz olunub ki, bu da onu döyüş şəraitində daha etibarlı edir.
