İsrailin bir gecədə İrana endirdiyi kütləvi raket zərbəsi nəticəsində azı altı aparıcı nüvə alimi həlak olub.
News24.az Publika.az-a istinadla xəbər verir ki, bu barədə “Tasnim” xəbər agentliyi məlumat yayıb.
Ölənlər arasında universitetlərdən birinin prezidenti Məhəmməd-Mehdi Tehrançi, həmçinin İranın Atom Enerjisi Təşkilatının keçmiş rəhbəri Fereydun Abbasi də var.
Bundan əlavə, zərbə zamanı İran rejiminin silahlı qüvvələrinin baş qərargah rəisi Məhəmməd Hüseyn Baqeri, SEPAH komandiri Hüseyn Səlami və fövqəladə hallar komandanlığının rəhbəri Qulam Əli Rəşid də həlak olub.
İsrail gecə saatlarında İrana qarşı “Rising Lion” əməliyyatına başlayıb. Zərbədə 330-dan çox raket buraxan 200 təyyarə iştirak edib. Hərbi bazaların yaxınlığında və yüksək rütbəli komandirlərin yaşadığı məhəllələr də daxil olmaqla, Tehranın hər yerində partlayışlar baş verib. Ölkənin ən mühüm nüvə obyektlərindən birinin yerləşdiyi Natanzda da partlayışlar baş verib.
