EN
Topics
Tourism
13.06.2025 ◦ 18:27

"İyun ayında turist sayı az ola bilər"— AÇIQLAMA

9 gündən sonra Azərbaycana yay fəsli gəlir. Bu isə o deməkdir ki, turizm sektoru özünün aktiv dövrünə keçəcək, Bakıya və Azərbaycanın regionlarına turist axını güclənəcək.

Azərbaycan yay turizminə hazırdırmı?

Turizm mütəxəssisi Rahib İsmayılov Demokrat.az-a açıqlamasında bildirib ki, yay fəslinin 9 gün sonra gəlməsinə baxmayaraq turizm üçün artıq yeni sezonun başladığını deyə bilərik:

“İlkin olaraq bu, yəni iyun ayında turist sayı nisbətən az ola bilər. Ancaq nəzərə alaq ki, sezonun pik vaxtı iyul və avqust aylarına təsadüf edir. Düşünürəm ki,  Azərbaycan yay turizminə hazırdır. Yalnız keçən illərlə müqayisədə bu hava şəraiti baxımından yağıntının turistlərin istirahətinə çətinlik yarada bilər. Bu mövzuya əbəs yerə toxunmadım. Qlobal istiləşmə fonunda havanın mövsümlərə uyğun olmayan şəkildə dəyişməsi turizmə də təsirsiz ötüşmür. Misal üçün iyul ayında yağan yağış, yağış görməyən hər hansısa bir hindistanlı və ya ərəb turist üçün xoş ola bilər. Amma ilin çox hissəsini yağıntılı hava şəraitində keçirən və ölkəmizə daha çox günəş qəbul etmək istəyən bir rus və ya avropalı turist üçün xoş hal sayıla bilməz. Yerdə qalan məsələlərdə düşünürəm ki, Azərbaycan hər il olduğu kimi öz qonaqlarını yüksək səviyyədə qarşılayacaq”.

Leyla Turan 
Demokrat.az
Chosen
301
46
demokrat.az

10Sources