ain.az bildirir, Xalq qazeti saytına əsaslanaraq.
NATO və İordaniya Yaxın Şərqdə alyansın ilk diplomatik nümayəndəliyinin açılmasına dair saziş imzalayıb. Xəbəri XQ “Anadolu”ya istinadən yayıb.
NATO-dan verilən yazılı açıqlamaya görə, İordaniyanın paytaxtı Əmmanda NATO Əlaqə Bürosu (NLO) yaradılmasına dair ikitərəfli müqaviləni NATO Baş Katibinin Cənub Qonşuluğu üzrə xüsusi nümayəndəsi Xavier Kolomina və İordaniyanın NATO-dakı missiyasının rəhbəri səfir Yusef Batayne imzalayıb.
Alyansın Yaxın Şərqdəki ilk diplomatik nümayəndəliyinin açılması qərarı 2024-cü ilin iyulunda Vaşinqtonda keçirilən NATO sammitində elan edilib.
Bu addım NATO-ya üzv ölkələrin alyansın cənub qonşuluğu ilə bağlı siyasətini gücləndirmək və regionda iştirakını artırmaq istəyini nümayiş etdirir.
Müqavilə imzalandıqdan sonra ofisin yaxın vaxtlarda açılışı gözlənilir.
P.ƏMİRCANOVXQ
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
