Daxili İşlər Nazirliyinin Polis Akademiyasının və Ali Hərbi İnstitutunun kursantları 15 iyun – Milli Qurtuluş Günü ilə əlaqədar Fəxri xiyabanda müstəqil Azərbaycan dövlətinin memarı və qurucusu, xalqımızın Ümummilli Lideri Heydər Əliyevin məzarını ziyarət ediblər.
Nazirlikdən APA-ya verilən məlumata görə, Ulu Öndərin məzarı önünə gül dəstələri qoyulub, xatirəsi hörmət və ehtiramla yad olunub.
